ශ්‍රී ලංකා ළමා සාහිත්‍යයේ නොමැකෙන සිහිවටන; ළමයින්ට ළමයින් විසින් පොත් ලිවීම නොකළ යුක්තක්ය යන සමාජ ස්ථාවරය දෙදරවා හරිමින් යුනෙස්කෝ මූලස්ථානයේ උපදෙස් පරිදි කොළඹ ළමා පොත් සංගමය විසින් ඉතිහාසයේ ප්‍රථම වරට ළමයින් විසින් ලියන ලද පොත් ළමයින් සඳහා සුදුසුය’ යන අදහස සනාථ කෙරෙමින් නව ළමා සාහිත්‍යයේ ප්‍රගමනයේදී ලේඛක වරම් ළමයින් සඳහා උදාකර දීමේ උදාර කටයුත්ත 1985 දී පමණ ආරම්භ කරන ලදී. එදා සිටම පැවැති ළමා කුසලතා වර්ධනය වන සුවිශේෂී ළමා සාහිත්‍යය වැඩසටහනක් වන ‘’ වසන්ත ළමා කඳවුරේ’’ දී ලංකාවේ ්‍රථම ළමා ලේඛකයා බිහි වුන අතර, ඔහු උකුවෙල නිශාන්ත කුමාර නැමැති කුසලතා සපිරි දරුවෙක් විය. ඇතැම් සාහිත්‍යධරයන්ගේ මහත් විවේචනයට හේතු වූ මෙම වැඩසටහන සඳහා විනිශ්චයකරුවන් ලෙස මහාචාර්ය සුනන්ද මහින්ද, සාහිත්‍ය සූරී එඩ්වින් ආරියදාස සහ ජනප්‍රිය චිත්‍ර ශිල්පිනී සිබිල් වෙත්ත සිංහ මහත්මිය සහභාගි කරවා ගැනීමට සංගමයට හැකි විය. එබැවින් එම වැඩසටහනට විරුද්ධ වන්නා සේම ආසිරි පතන්නන්ද සමාජයෙන් බිහි විය. ළමයින් සඳහා ළමයින් විසින...
